ORANJESTAD.- Polis na Aruba, dunando oido na informashon ku a yega sentral di polis, a bai na un kas na Paradera ayera nochi mas o ménos 20 pasá di 10’or anochi. Na yegada di e promé patruya a topa ku un dama ku no ta duna señal di bida. Dòkter Texier a konstatá morto 10:40 pm.

Outoridatnan na Aruba ta indiká ku ta trata di un dama di 27 aña di edat di nashonalidat venesolano, pero debí na e situashon na Venezuela ta sumamente difísil pa drenta den kontakto ku e famianan di e víktima. Pa e motibu ei ku te ainda polis no por duna identidat e víktima na prensa.