WILLEMSTAD.- Durante di Siman di Kultura 2019, bario di Fleur de Marie i Skalo ta selebrando multi koló i dinamismo di nos kultura. Un bario ku a forma su mes ku hendenan for di diferente pais i ku a inkluí nan mes den e bario. Un bario na boka di haf i pegá ku refineria i situá den kapital di nos pais. Ayera djaweps a habri e eksposishon di obranan di arte di ‘Damanan Uni di Skalo’. Riba potrètnan por apresiá algun momentu durante di e eksposishon. Mester remarká ku un dje miembronan di e organisashon tin 92 aña di edat.