WILLEMSTAD.- Wikènt benidero, 15 pa 18 novèmber 2019, ta tuma lugá e di 5 edishon di Dance Curaçao. E proyekto aki ta spesialmente organisá pa e bailarinnan talentoso i bailarinnan di teatro di Karibe Ulandes.
Pa e okashon aki a invitá tres bailarin/ koreógrafo internashonal pa bin duna workshop na e talentonan lokal. E loke ta hasi e edishon dje ‘bootcamp’ aki spesial ta e echo ku e dosentenan tur a nase na Karibe Ulandes.
Rina Bernabela ta duna baile di Jazz, Alydia Wever ta bin duna baile kontemporáneo i Dequant El-Khattabi ta tur tur ku Hip Hop.
Wikènt benidero lo tin un kantidat di workshop profeshonal kaminda e bailarinnan lo traha huntu pa presentá un ‘showcase’ profeshonal den La Tentashon. Fundashon ‘Dance Curaçao’ ta sumamente orguyoso di por konta ku partisipashon di partisipantenan di St. Eustatius i Bonaire ku ta bin spesialmente pa e workshopnan.
Djabièrnè awor lo tin e ‘kick-off’ di Dance Curaçao kaminda tur amantenan di baile di Kòrsou ta bon bini. Djaluna, 18 di novèmber pa 8 or di anochi lo tin e presentashon di e showcase final.
Pa mas informashon riba e dosentenan, nivel, skedjel, premionan bo por bishita e página di facebook di DanceCuracao; e página riba Instagram DanceCuracao. Por manda e-mail na info@dancecuracao@gmail.com