WILLEMSTAD.- Di e produktornan nominá pa tres Grammy i tras dje super éksitonan ‘X’ di Nicky Jam i J Balvin i ‘Sua Cara’ di Major Lazer i Anitta, awó ta presentá “Dándole Suave”, un tema ku ta primintí di bira un dje super éksitonan Latino di e verano aki.
Ta trata di un kolaborashon entre e artista yu di Kòrsou/ venezolano, Randy Leroy, e duo di dj ulandes: Afro Bros, e kreadónan dje éksito ‘Hot Shade’ i e produktor Tico Roberto.
E tono suave di bos di Randy Leroy, kombiná ku e zonido apart di Afro Bros i Hot Shade lo pèrkurá pa “Dándole Suave” yena pistanan di baile, di esei no tin duda!.
Mañan djabièrnè e kansion lo keda lansá internashonalmente. Eksito na Randy Leroy ku otro produkshon musikal. Ban sostené nos artistanan lokal!.