WILLEMSTAD.- Despues di un eksitoso torneo aña pasá na Rusia ku e ekipo hulandes hubenil (U18) di rugby, e hóben Daniel Leers a risibí invitashon pa hunga ku Hulanda den Kampionato Europeo na Portugal.

Daniel Leers kende su mama Nathaly Mau-Asam ta yu di Kòrsou, otro siman tin ku hasi e biahe pa Portugal pa bisti e unifòrm di Jong Oranje. Durante dje torneo anterior un di su ‘tries’ (anotashon den rugby)  a keda nominá entre e mihónan dje torneo miéntras ku tambe el a keda nominá komo “Talento to watch out for”.

E hóben Leers ta studiante na Brighton, Inglatera, i ta hunga pa e tim di University of Sussex. Ta spera ku su prestashon riba e nivel ku e ta hungando lo por ta un inspirashon pa hungadónan di rugby aki na Kòrsou.

E hóben Daniel Leers huntu ku su mayornan, e.o. su mama yu di Kòrsou.