WILLEMSTAD.- Resientemente Melania van der Veen a produsí un disko kompakto ku el a regalá Misa di Suffisant. Meta dje CD aki ta pa rekoudá fondo pa drecha Misa di Suffisant. Un bunita CD di músika Gospel ku ta kontené 9 tema: Danki mi Dios; What am I Living for; Resusitami; Mi kier ta serka bo; Yo Buscaba; Mi ke bisa bu si; Pecador de hombres; El Alfarero; Habri bo kurason i 3 bonus track: Away in a Manger; E nasementu di Hesus i Venite Adoremus. E CD ta optenibel na parokia di Suffisant durante di tur selebrashon i tambe durante ora di ofisina di 5 or i mei (17.30) pa 7 or i 15 (19.15). Komo parokiano duna bo aporte pa drecha Misa di Suffisant.