WILLEMSTAD.- Temporada di fakansi ta yegando i ta un dushi i alegre temporada kaminda e mucha i hóbennan por rekreá, dibertí i disfrutá tremendamente miéntras ta prepará pa drenta e aña eskolar nobo di 2018-2019.
Danny Yanga Foundation ta un Fundashon kaminda e bista ta fihá riba nos mucha i e hóben, i sigur esnan talentoso òf ku tin un talento skondé ku por bira nos futuro artistanan.
Dia 10 di yüli próksimo Danny Yanga Foundation ta bai organisá un tremendo show di talento riba Freewinds.  Danny ta bai brinda na e muchanan e oportunidat pa ekspresá diferente faseta artístiko i alabes yuda nan ku e preparashon pa nan hasi un presentashon bunita dia 10 di yüli próksimo riba Freewinds di 8'00 pa 9:30 di anochi.
Dia di e presentashon e muchanan ta bai demostrá e loke ku nan a siña i alabes ekspresá nan talento na e públiko presente. E Fakansiplan Talento Show aki ta un great oportunidat pa e yu  amplia su konosementu i alabes ta forma parti di un tremendo show. E dianan pa e trainingnan ku ta 1 siman ta di 3 te ku 10 di yüli. Tur mucha i hóbennan di edat entre 7 te ku 14 aña por inskribí i partisipá i e kantidat ku por tuma ta limitá. Pues mayornan por yama awe mes pa inskribí e yu i garantisá e yu su partisipashon. Danny Yanga ta bai duna e hóbennan aki un tremendo oportunidat pa engrandesé nan konosementu artístiko.
Na inskripshon ta paga solamente 50 florin i tin algun regla. Danny Yanga Foundation i Akademia ShowBizz un bes mas ta diferente i ta bai Brinda 30 mucha i hóben un tremendo temporada di fakansi riba nos mes pais.
Por yama òf App Danny Yanga Foundation na 521-3700 òf 560-6225 pa mas informashon. Djadumingu 17 di yüni  tin un reunion kaminda nos ta duna tur informashon adishonal pa e training i algun regla mas mara na e yu su partisipashon. Por pasa i yena e formulario di inskripshon durante dia entre 10’or pa 6’or i risibí algun informashon. Mester yama promé pa traha un sita.