WILLEMSTAD.- E dia tan spera a yega pa e partisipantenan den e di 3 edishon di ShowBizz por demostrá na públiko, amigu,mayornan i tur presente e talentonan ku nan a eksplorá durante e trainingnan. ShowBizz Academy Danny Yanga ta kla pa trese un otro show mas na nivel, ku nos talentonan chikí ku pronto ta nan ta e artistanan di futuro. Den e trainingnan e partisipantenan ku ta di 4 aña bai ariba, a sa di pone hopi atenshon pa nan por kaptá tur loke Danny i e dosentenan ku ta Layka Toppenberg Lourens, Giovanni Maduro i Dino Serboni a siña nan.
E show di e terser edishon di ShowBizz ta titulá "One by One" kaminda nos ta para ketu riba kada un talento i nan propio abilidat i tambe karakter.
Despues di e show aki Akademia ShowBizz ta sera pa ku temporada di vakashon i dia 12 di ougùstùs 2017 ta ranka sali bek na KURA DI ARTE dilanti di Misa di Pietermaai, ku e di 4 edishon di Akademia ShowBizz. Un invitashon na tur persona pa bin wak e show dia 25 próksimo ku e muchanan, i despues di show por inskribí e muchanan ku tambe ke partisipá den e show di desèmber ku e trainingnan ta kuminsá dia 12 di ougùstùs 2017. E shownan pa djadumingu awor ta 1’or di mèrdia i 6’or di atardi. Ta bende karchi na porta. Si bo ta interesá pa tuma mas informashon di ShowBizz òf pa kumpra karchi, por yama 521-3700 òf 560-6225.