NEW YORK, AP.- E kadena di restorant di kuminda rápido Wendy’s a informá djaweps ku hackernan a logra hòrta informashon di tarhetanan di krédito i debito den 1.025 di nan lokal na Merka, no muchu mas di loke nan a kere inisialmente.
E kompania a bisa ku piratanan informátika a haña akseso na number di tarheta, nòmber, fecha di ekspirashon i kódigo di tarheta. Algun tarheta a keda usá pa hasi kompranan froudulento den otro tiendanan.
Den mei, e empresa a informá ku desde final di 2015 a haña un software malisioso den ménos di 300 restorant. Un luna despues, e empresa a informá ku dos tipo di Malware a keda hañá i ku e kantidat di restorant afektá tabata “konsiderablemente mas grandi”.
Tin mas di 5.700 lokal Wendy’s den e pais.
Djaweps, a kompania a indiká ku lo publiká un lista di tur restorant afektá. Pero pa mas atardi, e lista no a keda publiká pa “problemanan tékniko”.
This function has been disabled for èxtra.