WILLEMSTAD.- Kòrsou pa promé biaha a partisipá na e sertámen di ‘Mini Model World’ i ta logra gana den e kategoria di ‘Pre-Teen Model World’.

Day-Janieck Anita, e representante di Kòrsou for di 24 di òktober a sali pa Punta Cana, República Dominicana kaminda e sertámen a tuma lugá.

Djasabra, 30 di òktober 2021 tabata fecha pa e sertámen final ku a tuma lugá den Hard Rock Punta Cana.

Awor Day-Janieck Anita lo tin ku hasi diferente trabou sosial i lo ta kara pa muchanan rònt mundu. Day-Janieck Anita su representashon di Kòrsou tabata bou dje organisashon di Gionel Virginie ku ta Curaçao International Crowns Queens.