WILLEMSTAD.- Mei mei dje palunan, sinta riba un pida klechi, bou di streanan skucha muzik di un kombinashon di 15 músiko lokal i Ulandes, esei ta loke ku ‘De Speel Tuin’ a presentá djasabra último na Landhuis Bloemhof. Ounke tur e áwaseru ku a kai rònt Kòrsou, e públiko a sa di respondé na e evento i a disfrutá di un tremendo anochi musikal. Riba foto nos por apresiá algun momentu durante dje evento.