WILLEMSTAD.- Djadumingu awor, 20 di mei 2018, ta fecha pa e hóben kantante, Deborah Gomez, ganadó di Un Kanto pa Kòrsou 2016, ganadó di ‘The Caribbean Gospel Festival’ i ganadó di kompetensia komposishon propio di fundashon Promota ta bai lansa su promé albùm.
Deborah ta un hóben ku pa medio di su kansionnan ta mustra e amor di Dios pa su pueblo i e speransa ku Kòrsou kompletu por tin den nos Kreadó.
Estreno di e albùm ‘Bini Awe’, ku ta kontené 7 kansion, ta tuma lugá na Sede di ABVO entre 6’or di atardi pa 8’or di anochi. Entrada ta grátis.
Durante dje evento lo bo tin e oportunidat pa kumpra bo CD i dje forma ei kontribuí ku Deborah pa e sigui bendishoná pueblo di Dios ku un siguiente CD.
Pa mas informashon bo por yama 566-9907 òf 511-3941.