WILLEMSTAD.- Djaweps atardi, Kòrsou su Reina, Prins i Pancho di Karnaval 2018 a keda ofisialisá komo embahadornan di Digicel pa e temporada aki. Jorge Cuartas, marketing manager di Digicel ta komentá ku nan ta masha kontentu ku e resultado i e bon kolaborashon entre Digicel ku Fundashon JAG. “Nos ta kontentu ku nos por yama Reina, Prens i Pancho Karnaval 2018 bon biní komo parti di e famia di Digicel. Djasabra último, ma keda hopi impreshoná ku nan presentashon i mi tin sigur ku nan lo saka kara di pueblo di Kòrsou durante nos Karnaval”.
Durante di nan bishita na Digicel Megastore na Biesheuvel nan a yuda klientenan rekargá nan telefòn i a tuma oportunidat di sosialisá ku koleganan. Tambe Digicel a probechá e okashon festivo aki pa introdusí na kampaña pa e marchanan di karnaval benidero.
Dekorá bo stènt ku LTE Digicel #LiheLiheTa
Pa por partisipá den e kompetensia di dekorashon di stènt riba ruta di karnaval, mester yena un formulario di inskripshon, dia pa inskribí lo ta djamars 30 di yanüari próksimo di 1.30pm pa 4:30PM na Digicel Biesheuvel. Tene kuenta ku únikamente esnan ku yena e formulario di inskripshon lo por partisipá. Digicel lo repartí material di LTE, logo di Digicel, blas i otro material ku por wòrdu uza komo parti di e dekorashon. Usa bo imaginashon i kreatividat pa bo gana!
Jorge Cuartas ta finalisá bisando, “Nos ke pa tur hende disfrutá di nos Karnaval. Dor di usa e tema di Digicel LTE nos ke enfatisá kon importante e ta pa kompartí eksperensianan riba retnan sosial. Digicel su LTE ta duná bo e posibilidat pa stream video i subi nan riba bo Facebook, Instagram òf mand’é via e-mail pa tur hende. Mi ta spera di wak hopi variashon riba e tema di #LihéLihéTa”.

Gana 1,000 florin kèsh!
Un tim di Digicel lo rekoré e ruta di Gran Marcha riba djaweps dia 8 di febrüari i lo saka un foto di tur e stèntnan partisipante. Lo husga e stènt di akuerdo ku originalidat, kreatividat i variashon. Dia 9 di febrüari próksimo Digicel lo anunsiá e stènt ganadó ku lo risibí Nafl 1,000 kèsh! Pa mas informashon por bishitá e página di Facebook di Digicel www.facebook.com/DigicelCuracao. Digicel su LTE #LihélihéTa.”