WASHINGTON, AP.- E disputa legal tokante òrdu di presidente Donald Trump di prohibí entrada di sierto refugiado probablemente ta bai kombertí riba kuestionamentunan di outoridat di e presidente pa kontrolá frontera di Merka. E foko riba musulman tambe lo kombertí den un kuestionamentu si esaki  ta anti konstitushonal òf no.

Algun defensor di derecho humano a kritiká e dekreto aki inmediatamente, loke a pone un bataya largu i hurídiko kuminsá.

Trump a saka e òrdu djabièrnè, suspendiendo e atmishon di siudadanonan di shete nashon di mayoria musulman temporalmente. Inkluyendo e programa di refugiadonan di Merka.

Konseho tokante Relashon Islámiko Merikano a entablá un demanda djaluna, argumentando ku e òrdu ta violá prohibishon konsagrá den e promé enmienda pa duna un trato preferente na un religion, ya ku e ta parse di ta faboresé refugiadonan kristian.

Pero e lei federal ta duna e presidente poder amplio pa restringí entrada di persona, en partikular pa kuestionnan di siguridat nashonal.