WASHINGTON, MERKA, AFP.- Delta Airlines ta kuminsá kobra tur trahadó no vakuna $200 tur luna pa kubri gastunan médiko si nan haña COVID-19, asina e CEO, Ed Bastian a bisa djárason.
“E medida ta nesesario pa enfatisá kiko e riesgo finansiero pa no vakuná ta nifiká pa nos kompania”, asina el a bisa den un nota na empleadonan.
Esaki ta e medida mas resien ku un empresa merikano ta tuma pa enkurashá trahadónan pa vakuna. Algun aerolínea a bai asina leu di obligá e vakuna pa nan trahadónan.
Delta Airlines a bisa ku 75% di su empleadonan a vakuná kontra COVID pero e variante nobo a kousando problema pa e kompania. E CEO a nenga di referí na nòmber komun di e variante kual tambe ta “Delta”.
“Desde oumento den kasonan di B.1.617.2, empleadonan ku a keda hospitalisá ku COVID no tabata kompletamente vakuná” asina el a bisa. E averahe di kostonan di hospitalisashon ta 50.000 dòler pa persona, asina Bastian a agregá.
