WASHINGTON, AP.- Algun ora despues ku parti di e gobièrnu federal a stòp di funshoná, demókrata i republikanonan a pasa djasabra purbando di evitá kulpa di e parálisis debí na e tema migratorio i a mustra masha poko indikashon di progreso pa pone fin na e stankamentu.
E señalashonnan di tiramentu di falta a pasa durante seshonnan ekstraordinario di fin di siman den Kámara di Representante i Senado, kaminda legisladornan kier a mustra elektornan ku nan tabata traha di forma aktivo na fabor di un solushon. E esena a resaltá den kostonan polítiko haltu ku e parálisis di gobièrnu por kousa pa ámbos partido den un aña elektoral i kual su konsekuensianan ainda no ta kla.
“E pueblo merikano no por komprondé dikon e lider demókrata di Senado ta pensa ku gobièrnu mester paralisá pa esaki haña loke e kier relashoná ku inmigrashon ilegal”, asina e lider di mayoria di Senado, Mitch McConnell a indiká, algun ora despues di e frakaso di último oportunidat di votashon den kámara.
E demókratanan a ninga di duna e votonan nesesario pa gobièrnu reanudá su funshon ampliamente te ora un akuerdo ku presidente Donald Trump bira konkreto. E akuerdo aki mester protehá inmigrantenan hóben di deportashon, fasilitá asistensia den kaso di desaster i oumentá e rekursonan kontra tratamentunan kontra adikshon di droga i otro programanan interno.
