WILLEMSTAD.- E siman aki e kansion nobo di Qushannick Thode lo wòrdu estrená na tur radio emisora.
No ta un sekreto ku Qshanz su lasonan ku agrupashon musikal Gentz Tre"chic ta estrecho. No mas ku den wikènt tras lomba el a presentá huntu ku Gentz riba esenario na Ulanda pa ta eksaktamente na Club Blu na Rotterdam den e fiesta "Flight to Curadise" kual tabata ‘sold out’.
E kansion ‘Den bo Brasa’ ta reflehá e pashon i amor entre un pareha kon nan ta komplementá otro. E kansion a wòrdu komponé i areglá pa Jerzho Martha i letranan den kolaborashon huntu ku Qshansz. Ademas e kansion lo wòrdu kompañá tambe ku un videoclip.
Pues keda pendiente pa e lansamentu di e kansion e siman aki, i e presentashonnan di Qshansz dia 10 di novèmber awor den e fiesta Chocolatin i den luna di desèmber huntu ku Gentz.