Un felis djamars na tur nos lektornan...

Ayera nochi e ambiente na SOAB tabata tremendo. Hendenan a gosa un bol...

Bon animashon tambe di ERA i DREAMS...

Hey ma lesa riba retnan sosial ku tin pleitu ken tin Hunneley ...

Ban serio...

Djayabanda tin kompetensia entre organisadonan tambe...

Ken a hala mas publiko, ken tabatin mas ambiente, ken a surpasa su rekort i ken tabatin e bandanan di mas hot !...

Tur e kosnan aki ta great tanten ke kos keda nechi, manera start ku pintamentu di otro su evento komo un malu, ei problema ta start...

Tur hende riba nan kurpa sin problema ta oke, hasi bo kos bon i lage e publiko disfruta na un manera sano...

Awe nochi tin e homenahe pa Urvin Luwi Jano na Jandoret...

Korsou ta keda invita pa bai bishita e bario di Rei di Tumba...

Yega na ora pa asisti na e Santu Sakrifisio di Misa i despues e ambiente ku Dreams riba plenchi di Misa...

Awe tambe ta nochi pa Jump in di Zjangilae na Post...

Ayera nochi ma mira un pida video dje ensayo di Q-Sign, nan tambe tei awe nochi na Post...

Ta di aploudi e loke ku JAG a logra ku Guardian Group... 

Nan a sigura tur hende ku ta forma parti di e diferente marchanan di Karnaval...

Un desishon masha bon mes. No ta tur hende ku ta kana ront riba Korsou ta sigura i ta miho bo evita ku lamenta...

E selebrashon anual ku Kiwanis ta organisa pa e klientenan di Totolika tambe tabata tremendo...

E klientenan a gosa ku e presentashon di dj i ora Rei di Tumba a yega, un legria total...

Great pa mira kon di forma kontinuo nos organisashonnan sosial ta dedika tempu pa organisa evento karnavalesko pa esnan ku tambe tin derechi di selebra Karnaval...

Ma kompronde ayera ku tin algun moveshon a tumba luga pa loke ta trata numerashon di gruponan di Karnaval...

Keda pendiente pa ‘Kant’i Kaya’...

Otro produkshon di ‘EXTRA Digital’...

E aña aki segun mi te ainda no tin un tumba ku a dal fuerte pa Tumba mas Popular...

E publiko ta hopi dividi den esaki...

Riba YouTube por ehempel e Tumba di Jano a keda mira mas ku 21 mil biaha, esun di Ray Lauffer riba 18 mil views...

Djabierne nos ta pendiente pa Bandabou su parada di skolnan, 6 skol di Bandabou plus 5 skol di pariba ta partisipa na e jump up di skolnan ...

Djasabra na Bandabou e kos tei sinta mes...

Ekspektativa ta grandi pa partisipashon di 15 grupo di Karnaval na e marcha...

Fundashon Karnaval di Bandabou a traha hopi duru pa mantene Karnaval bibu...

Klaro ku si nan tin mas sosten finansiero nan lo por hasi mas i logra mas...

Bon shonnan, awe nos tabata kortiku, nos tei move...

No lubida, prepara pa “Kant’i Kaya”

Te mayan ku Dios ke !.