Un felis djárason pa nos lektornan...

Awe ta fecha pa e jump in di BAB i Crazy Diamonds...

Bo tin bo karchi kaba? Hasi lihé i kumpra di bo...

Awe fo’i mainta bo tin chèns di kumpra bo karchi i pasa na BAB na Emmastad pa bo buska bo T-shirt ...

ERA, Dreams i Gentz ta esnan enkargá pa e animashon musikal dje jump in ku ta ‘All In’...

Ayera nochi Fundashon JAG a duna e baluarte pa Karnaval 2018, Sr. Orlando Cuales un homenahe meresí...

Meskos a konta pa bo Banko Amigu, MCB ku ta ser konsiderá un ‘Pila’ di sosten pa Karnaval di Kòrsou...

Nos Rei di Tumba, Urvin ‘Luwi’ Jano a keda kontentu ku e atenshon ku a dun’é durante dje anochi di homenahe na Jandoret...

E mucha di bario a keda enkantá ku e atenshon di amigunan di bario i fanátikonan ku a asistí riba plenchi di Misa di Jandoret...

E transmishon di Karnaval di Brasil via di TDS ta un éksito tur aña...

Hopi hende ta aboná pa por mira tur e diferente paradanan di Karnaval ku tin na Brasil, spesialmente esun di Rio de Janeiro...

E loke mas ta impreshoná ami ta e trahenan ku ta keda konfekshoná i e karosanan grandi...

No ta pa nada ku na Brasil e gruponan ta trahando durante henter aña riba e produkshon i presentashon pa e siguiente aña di Karnaval...

Keda pendiente pa ‘Kant’i Kaya’, un produkshon spesial di “EXTRA digital” ...

Pa djabièrnè nos lo duna mas detaye riba e produkshon aki...

Awe nos a reuní riba algun detaye pa e proyekto aki i e ta pinta di bira algu hopi great ku bon ambiente...

4076 partisipante nos Gran Marcha di Karnaval lo tin...

Esaki repartí den 26 grupo i un individual...

Total lo tin riba 5 mil hende den e marcha, esaki kontando ayudantenan i músikonan...

Manera nos a splika algun dia atras ERA i Dreams lo ta e dos bandanan ku lo tin 2 banda den e marcha...

Anto esaki sin konta e bandanan ku ta hasiendo uso di repeater pa pèrkurá pa e grupo kompletu por disfrutá di nan animashon musikal...

Estreno Mas Pikete ku 1050 partisipante ta e grupo di mas grandi di Karnaval...

E ta keda siguí pa Vise Vèrsa ku tin 830 partisipante...

‘Viva’ ku 505 ta e di tres grupo mas grandi di Gran Marcha di Karnaval...

Jump In di Zjangilae i Post ayera nochi tabata bon animá...

Diferente hende ayera nochi tabata stream òf bai ‘live’ durante dje Jump In di Zjangilae dunando bo mesora un impreshon dje ambiente...

Nos amigunan di e wèpsait i página di facebook ‘Turkutin’ tambe tabata bibu for di Post...

Djabièrnè último nan a transmití e jump in di Viva/ SVB...

E posibilidatnan ku teknologia ta duna ta pone ku bira mas fásil pa medionan di komunikashon ku tin e fasilidatnan pa bai ‘bibu’ for di kualke sitio...

Esei den e parti di kobertura di notisia ta importante...

Esaki awor ta hasi posibel tambe ku por ehèmpel eventonan di Karnaval ku no ta solamente marchanan ta keda kubrí ‘bibu’...

Bon shonnan nos tei move, no lubidá awe nochi ta na BAB nos ta topa...

Te mañan ku Dios ke!...