Un felis djabièrnè pa tur nos lektornan...

Nos a yega e wikènt di tumberonan...

E wikènt kaminda djadumingu awor tur partisipante pa Festival di Tumba 2018 ta inskribí pa partisipá...

E aña aki EXTRA lo presentá un transmishon ‘bibu’ for di Curaçao Festival Center kaminda lo brinda e siguidónan di EXTRA un transmishon di televishon ku bo por sigui riba 5 diferente plataforma...

Den kolaborashon ku TDS, Cariflix i tambe riba e wèpsait di EXTRA, e página di Facebook di EXTRA i e kanal di YouTube di EXTRA lo bo por sigui e transmishon ...

For di despues ku na 2016 EXTRA a skohe e rumbo pa kuminsá kompartí informashon riba su wèpsait i retnan sosial esaki ta e promé produkshon pa televishon ku EXTRA ta produsí...

Rubertico ‘Benoni’ Balentien i mi persona, Luis Curiel lo ta enkargá ku presentashon durante dje transmishon...

E tei bira un transmishon great kaminda abo ku ta sigui e transmishon riba kualke un dje plataformanan lo disfrutá sigur ...

Djadumingu awó!... Sigui inskripshon di Tumba via EXTRA...

E reunion ayera nochi di AMAK no a bai manera e organisashon a pensa...

Esei ta e konklushon ku mi por a saka despues di a tuma nota dje diskushon ku a surgi relashoná ku e marcha di despedida di tiner...

Gruponan di Tiner a indiká bon kla ku nan no tin sèn pa por kubri e gastunan mará na un marcha di despedida...

Nan a bisa ku pa 2018 nan no ta mir’é...

GMN tambe a bin splika detayadamente kon nan kontròl di zonido e aña aki tei tuma lugá...

Komo chèri riba e bolo a bin tambe e kontrol di zonido durante di Jump In organisá sea pa grupo di karnaval òf empresanan komersial...

Ta definitivo ku lo no tin ‘Marcha di Kabai’, e organisashon di kabayistanan no a logra di por yega na 100 kabai pa tin un marcha na drechi...

Riba e kalènder nobo di aktividatnan di Karnaval 2018 ku JAG a saka bo ta tuma nota tambe ku lo no tin marcha di kabai...

Pa gruponan di Tiner, JAG a presentá ayera nochi un Premio ‘Ban Bèrdè’ pa e grupo ku duna atenshon na e tema di resiklahe...

Awèl lidernan a duna konseho pa usa e sèn pa otro premio...

Tur grupo a skohe nan tema i a prepará esaki kaba, e anunsio dje premio ‘Bèrdè’ ta muchu lat...

E komunikashon pa ku miembronan di AGKK mester a tuma lugá mas mihó...

Awe tardi e organisadónan di e evento Hak’e lo tene un konferensia di prensa kaminda nan lo anunsiá e evento i duna detaye di kambionan ku nan a hasi pa ku e evento...

Mañan djasabra tin elekshon di Reina Brindo di Karnaval di Bándabou na Kolegio San Hose na Barber...

E evento ta kuminsá 8’or di anochi i ta plania pa kaba 11’or di anochi...

Pa otro siman lo tin elekshon di embahadornan di Karnaval...

Nos tei move, disfrutá di bo wikènt i djadumingu nos ta topa na Festival Center...