ORANJESTAD - Segun e cifranan di Aruba, den wikent Aruba a registra 931 caso positivo nobo di Covid19 i 690 persona a recupera.  Di e 931 caso nobo di COVID-19 cu a keda registra di cual 243 ta no-residente. E cifranan aki ta representa un 'Positivity rate' bou di nos residentenan di 71%. E cantidad di casonan activo di COVID-19 te cu ayera ta 3115 y cantidad di fayecidonan relaciona cu COVID-19 ta 181. Datos ta ilustra casonan nobo di COVID cu un averahe semanal di 546 caso pa dia y un averahe di 'positivity rate' semanal di 58% pa dia.

Te cu ayera na Aruba tin 13 persona interna debi na COVID di cual den ICU tin 2 persona y riba piso general tin 11. Na Colombia tin actualmente 3 persona den ICU y ninguno (0) riba piso general.(NoticiaCla)