WILLEMSTAD.- Djasabra anochi na Boca Samí tabata e punto di atenshon pa loke ta trata Elekshon Reina di Seú 2019.
Un bon públiko a bishitá e sertámen ku a konta ku partisipashon di 7 damita kendenan a duna un tremendo presentashon.
E komishon organisadó, bou di direkshon di Erickson Vicario a presentá e tema dje aña aki ‘Nos Serunan’ i e lema ‘Si Seru no bini serka yu di Mama, yu di Mama ta bai Seru’.
PREMIASHON
Di tres finalista: Mahim Janzen, Dishona St. Jago di dos finalista. E promé finalista a resultá Raymary Mercelina ku a gana tambe premio komo Reina Disiplina, Trahe mas Impaktante i Trahe mas Kreativo.
Komo Reina Seú 2019 a keda korona, Denise Janga, representante di grupo Chikitous den Seú. Riba foto momentu di premiashon.