WILLEMSTAD.- E konosido kantante Derrel Calmez, konosí komo ‘El Tuyo’ resientemente a produsí e kansion ‘Ban Uni’, un kansion ku e mensahe pa yunan di Kòrsou ‘Ban Uni’.
Derrel ta splika ku e tabata skuchando notisia i ta tende kon kriminalidat ta asotando Kòrsou. ‘E kos ei a kansa mi i ma haña e inspirashon ku mi a kuminsá kanta e koro ‘Ban Uni ku otro yu di Kòrsou’. Mi a komponé e kansion ku e mensahe pa Kòrsou. Areglo di ‘Ban Uni’ ta den man di Eric Ignatia.