WILLEMSTAD- E video di "Despacito", enkabesá pa e artistanan portorikeño Luis Fonsi i Daddy Yankee, a konvertí den e promé proyekto musikal ku a alkansá 4.000 mion di reprodukshon riba YouTube.  Di e  manera aki, "Despacito", dirigí pa e portorikeño Carlos Pérez, ta konta ku 898 mion view mas tantu ku kualkier otro video riba e plataforma di You Tube.

Meskos ta konta tambe ku "Despacito" ta e promé video klep den historia di YouTube ku ta alkansá 3.000 mion di  bishita, den solamente  203 dia. l e video tin un promedio di 14 mion di bishita pa dia i a alkansá bishita di 25 mion riba un dia so.

"Despacito" aktualmente ta tambe e video mas mirá den  45 pais, entre nan, Spaña, México, Alemania, Gresia, Portugal i Argentina. E video a keda grabá den e paisahe kolorido di e bario di San Juan de La Perla i na La Factoría, un bar ikóniko den kaya di San Sebastian di Old San Juan.

"Despacito", ku a keda skibí pa Fonsi i e panameño Erika Ender, ta ubiká riba e posishonnan mas haltu di e lista Hot 100 di Billboard pa 16 siman konsekutivo, ademas e kansion aki tabata na promé lugá na por lo ménos  89 pais.