LAS TEJERIAS, VENEZUELA, AFP.- Por lo ménos 36 persona a muri pa un desplasamentu di tera kousá pa áwaseru fuerte den pueblo di Tejerias, den sentro di Venezuela. Outoridatnan ta luchando ku e labornan difísil di reskate den e region.

“Lamentablemente nos tin 36 persona ku a muri i 56 pèrdí”, segun indikashon di e minister di Interior, Remigio Ceballos, den un video publiká riba su kuenta di Twitter.

E minister a señalá ku mas ku 3.000 funshonario ta partisipando den labornan di búskeda den e lodo ku a kubri pueblo di Tejerias. E labornan di búskeda ta keda bira mas difísil segun tempu ta pasa, pa motibu ku e lodo ta bira duru.

Venezuela a reportá un kantidat apnormal di áwaseru, empeorá pa e fenómeno La Niña i orkan Julia.

Presidente Nicolás Maduro a dekretá tres dia di luto, i a pasa den e zona di desaster, saldando algun persona afektá.

...Un miembro di ehérsito hasiendo un inspekshon di daño den un empresa ku ta harma vehíkulo na Tejerias...