Ta trata e kaso kaminda a dal e turista mata

ORANJESTAD.-Polis di Aruba ta informá, ku awe den oranan di mainta polis di tráfiko a detené un persona den e kaso di Hit and Run na Pos abao. Ta trata di e hòmber di fam D.P nase na Colombia di 36 aña di edat. E kaso a tuma lugá dia 27 desèmber 2025 pa 8’or anochi, unda un outo a alkansá 2 hende muhé i nan a keda gravemente herida. Un di e víktimanan su situashon tabata hopi kritiko i el a keda interná den kuido intensivo.

Djamars 13 yanüari 2026 pa mas o ménos 1’or di mèrdia polis a haña notifikashon di personal di hospital ku e víktima a fayesé. Dòkter a konstatá morto di e señora turista Lisa Marie Barnett nase 26 òktober 1968 (57aña) na Merka. E víktima a bira e di 11 morto den tráfiko pa aña 2025. Kuerpo Polisial ta keda traha pa resolvé tur kaso ku presentá.