ORANJESTAD.- Bosero polisial na Aruba sr. Lito Lacle a informá un ratu pasa ku a detené un miembro di Kuerpo Polisial di Aruba, di inisial A. A detené e agente aki relashoná ku un kaso di maltrato i segun EXTRA a komprondé ta trata di maltrato di su partner.

Kuerpo polisial di Aruba a duna informashon di e kaso den kuadro di nan maneho di transparensia. E bosero polisial ta indiká ku ta investigashon lo mester determiná awor kiko ta e embolbimentu di e polis A. den e kaso aki. E investigashon ta kanando i pa e motibu ei no ta duna mas detaye na e momentunan aki.