ORANJESTAD.-Polis di Aruba ta informa ku awe mainta atrako tim un bia mas a realisá un detenshon na Bishiri. Den oranan tempran di mainta atrako tim huntu ku tim di aresto a hasi un entrada hudisial na un kas na Bushiri. Personal di Flex Team i K-9 tambe tabata presente.
Na e kas a detené e sospechoso di inisial L.M.A.M.O. Durante di e entrada hudisial a deskubrí un arma di kandela i un kantidat konsiderabel di munishon. Un bon trabou di atrako tim pa asina solushoná e kasonan i tambe pa kita e arma di kandela for di kaya. Cuerpo Policial di Aruba ta hasi un apelashon pa esnan ku sa algu òf mira algu pa yama e ‘tiplijn’ di polis 11141.
