ORANJESTAD.-Polis di Aruba ta informá ku djaweps den oranan di e personal di duana a detené un hende hòmber ku droga den su maleta durante di kontrol  na airopuerto. A hiba e sospechoso na e departamento di Unit Narcotica i nan a kuminsá ku e investigashon.

Ta trata di e hòmber di inisial J.J.M. di 42 aña nase i ta biba na Kòrsou. El a purba di pasa ku kokaina den su maleta. Outoridatnan polisial di Aruba no ta deskartá ku lo tin mas detenshon den e dianan ku ta bini.

Kuerpo Polisial di Aruba ta hasi un apelashon pa esun ku por sa algu òf a wak algu pa yama e tiplijn di polis ku ta 11141. Bo ta keda anónimo.