WILLEMSTAD.- Licores Maduro den koperashon ku Dewar’s a lansa ayera tardi un kampaña di Dewar’s NBA kaminda bo por gana un trep ku ta inkluí tur kos pa bo presensia un wega di NBA den American Airlines Arena na Miami.
E kampaña aki ta duna e posibilidat na tres amante di Dewar’s e oportunidat pa eksperensiá e partido entre Dallas Mavericks kontra di Miami Heat bibu den American Airlines Arena dia 28 di mart 2019.
Pa partisipá ta fásil, bo por kumpra un Dewar’s, e Scotch Whisky ku mas galardon, i trese e bòter bashí na ‘The Store’ di Licores Maduro na Dokweg i risibí un kupon a kambio. Yena e kupon i tir’e den e buzon pa dje forma ei bo partisipá na e kampaña di Dewar’s NBA.
Pa e bòter di Dewar’s White Label - 1.14lt bo ta risibí 1 kupon; Dewars’s 12 - 0.75lt bo ta risibí 2 kupon i Dewar’s 15 – 0.75lt bo ta risibí 3 kupon.
Bo por kumpra bo Dewar’s na bo supermerkado, mini market i toko preferí rònt Kòrsou.
E kampaña aki ta bálido di 21 di yanüari te ku 16 di mart 2019. E ganadónan lo keda anunsiá dia 18 mart 2019 via di e página di facebook di Licores Maduro.

Tokante Dewar’s
John Dewar & Sons LTD, funda na 1846 pa John Dewar, a krese for di un tienda chikí di biña i likor na Perth, Eskosia, pa un marka global. John Dewar a krea wiskinan kombiná di kalidat haltu i a pasa e abilidat aki pa su yu John Alexander.
Dewar’s ta un marka di wiski eskoses meskla propiedat di Bacardi i ta e wiski eskoses mas galardoná na mundu.