ORANJESTAD.-Polis di Aruba a informa ku ayera nochi a drenta notifikashon for di hospital ku Luisa Torres Gutierrez, nase na Colombia 16 yüli 2022 a fayesé debí na e heridanan ku el a sufri den un aksidente di tráfiko. E kaso aki a hiba na e di 8 morto den tráfiko di Aruba.

Por sierto ku dia 4 di oktober  último a registrá e di 7 morto den tráfiko na Aruba. E esfuersonan di Kuerpo Polisial ta hopi sinembargo no ta tur bia ta logra. Konsientisashon ta keda un punto importante, pero si esaki no ta kombiná ku sanshon fuerte e outomobilista ta lubidá ku su komportashon indebido por kosta bida di otronan.