WILLEMSTAD.- E aña aki ta e di dos bia ku EXTRA digital ta sòru pa otro programa di “Kant’i kaya”. Riba e anochi promé ku gran marcha, nos a tira un bista bek riba e temporada di karnaval. Aña pasa EXTRA a estrená e programa Kant’i Kaya ku por a wordu mira riba tur nos plataformanan esta Facebook, YouTube (extra curacao) website, pero tambe riba kanal 73 di TDS.
E aña aki e tabata aun mas eksitoso, ku tres ora di shou, kuminsando for di 7’or di anochi, presentá den Dome na Rooseveltweg. Entrevista ku diferente rei di tumba entre otro e ganadó 2019 Dibo Doran, reina, prens i panchonan, kuerpo polisial i tur e aktornan ku ta forma karnaval di Kòrsou.
E programa Kant’i Kaya a keda presentá e aña aki pa Luis Curiel, Sue Cijntje i tambe Tico Balentin. EXTRA ta yama danki na tur ku a presente di forma inesperá na e sitio di transmishon Bibu, invitadonan ku a hasi nan esfuerso pa den tur e tráfiko hasi akto di presensia pero mas aun danki na tur e spònsernan ku a pone nan konfiansa den EXTRA pa medio di nan propagandanan i a sòru pa un “Kant’i Kaya” kompleto. Danki!