ORANJESTAD.-Polis a realisá detenshon importante den oranan di mardugá, despues di un entrada hudisial ku a tuma lugá na Amandelstraat, asina bosero polisial di Aruba a duna di konosé. E detenshon a tuma lugá den oranan di mardugá di djarason.

Esaki ta relashoná ku e kaso di atrako riba un dama ku tabata kanando den e área di Eagle Beach. Na dado momento e lo keda atraká i tambe a propiná e dama aki algun hinka. Polis ta informa ku den e akshon di awe mardugá tambe tabata presente K-9 Unit i Flex Team.

Te awor a detené dos sospechoso den e kaso aki. E sospechosonan ta di inisial S.C.T. nase na Aruba i M.F.L.S. nase na Colombia. No ta deskartá ku lo por tin mas detenshon den e dianan ku ta sigui.