WILLEMSTAD.- Djasabra awor 16 di mart 2019 “Landhuis Chobolobo” en konekshon ku Daphne Events i “Cheers! By Unique Planners” ta organisá e di tres edishon di "Weddingfair Curaçao". Esaki ta un evento spesial pa parehanan ku ta bai drenta e barku matrimonial. E ekspo/feria aki ta konta ku 30 negoshi di taya ku tin amplio eksperensia i konosementu den e mundu di kasamentu. Servisionan manera make up, shimis, dekorashon, batrei, fotografia, vidio, músika, luna di miel, outo luhoso i hopi mas lo tei  djasabra awor.
Banda di tur esakinan lo tin demostrashon di diferente bibida, kòktel, kuminda, pasapalu i bolo ku chèns pa purba i kumpra mas ku klaro. Tur e negoshinan lo presentá nan produktonan i servisionan di mas resien i último moda. Banda di esaki tur bishitante lo wòrdu malkriá ku diferente premio i deskuentonan atraktivo.
Negoshinan ku lo partisipá ta entre otro: Hilton Hotel Curaçao, MOOD Beach, Santa Barbara Resort, Karakter Curaçao, Sunscape Resort, Royal Rentals, Contemporaneous Events, Divino Catering,  Xquisite cocktail mobile Bar, IJscowd, GS Pastry, Say Keshi Photobooth, Gazini Sun & Moon, Vio Sambo Films, Tiaras & Crowns films, Team Cherie & Clint Regales, Mau-Asam Travel, Landhuis Chobolobo,  Nestor G Zavarce Photography, Lush Cakes, VIP On The Road i Cheers! by Unique Planners.
Aparte di e negoshinan aki nos lo inougurá apertura di un negoshi di dekorashon eksklusivo: Creative Decor.  Entertainment lo ta na enkargo di DJ Ado, Miek Miek & Co,  Jasmin & Willem, Nelson Braafhart i Naomi Silvanie.
Tur hende ku òf sin intenshon di kasa ta keda invitá pa pasa djòin den e di tres edishon di “Weddingfair Curaçao" djasabra 16 di mart 2019 di 5pm te 10pm. Entrada ta grátis.
Pa mas informashon por bishita: https://www.facebook.com/weddingfaircuracao/