WILLEMSTAD.- Despues di e promé i e di dos gimmick ku a tuma lugá algun siman pasá, djasabra awor promé ku aña kambia, AMAK lo tin e di tres i último gimmick.  Esaki lo tuma lugá den Sambil, pa ser eksakto na e lokalidat di TeleCuraçao.
Direktiva di AMAK, Licores Maduro i Sambil ta invitá tur amante di Festival di Tumba pa djasabra awor, 29 di desèmber, entre 12 or di mèrdia i 5 or di atardi pa bai Sambil, pa pasa buska bo karchi entrada general na preis spesial di 65 florin i di Red Carpet pa 300 florin. Kòrda ku e di tres gimmick tambe ta algun  karchi so ta disponibel i esnan ku yega promé ta bebe awa limpi.
No warda te na último ora pasobra, manera ta e tradishon, e karchinan lo kaba hopi rápido. Festival di Tumba 2019 ta bira grandi mes! Nos ta topa djasabra awor na Sambil.