WILLEMSTAD.- Despues di un eksitoso promé i di dos Gimmik pa loke ta trata benta di karchi, djasabra awor lo tin e último oportunidat pa kumpra karchi na preis un poko redusí pa Festival di Tumba 2020. Esaki lo tuma lugá den e Booth di Tele Curaçao na Sambil, djis despues di e entrada prinsipal, di 11or di mainta pa 1or di mèrdia.
DI TRES I ULTIMO GIMMIK
Lo tin 500 karchi disponibel na rason di 65 florin pa pakete general i 50 karchi di “Red Carpet”  VIP na rason di 300 florin pa pakete. Karchinan di tantu e promé komo e di dos gimmik a kaba den un fregá di wowo.
Wak pa bo tei presente pa eksperensiá e momento históriko di e 50 koronashon di rei o reina di tumba di Festival di Tumba 2020. Festival di Tumba 2020 ta bai bira un evento inolvidabel den un ambiente festivo.
Pues e di tres gimmik pa benta di karchi na preis spesial, ta djasabra awor dia 28 di desèmber  di 11’or  di mainta te ku 1’or di mèrdia  den Sambil, pa ser eksakto na e ‘booth’ di Tele Curaçao, djis despues ku drenta Sambil via di entrada prinsipal.