WILLEMSTAD.- Ayera tardi Minister Camelia-Römer a anunsiá ku dia 18 di ougùstùs próksimo lo tuma lugá un ‘Diálogo Demokrátiko’ kaminda lo debatí i traha pa huntu yega na un konseho ku lo por keda presentá na Ministerraad dia 1e di sèptèmber 2018. E diálogo lo keda formá pa músikonan, abitantenan, doñonan di establesimentu di horeca, ministerio di GMN, Ekonomia i Hustisia. Meta prinsipal lo mester ta pa sa kon duru e zonido por ta. E ministerio di GMN a kuminsá kaba pa buska informashon kon e areglonan pa loke ta trata molèster di zonido i presentashon di muzik ta regla na Aruba i Boneiru. AMAK di su banda lo mester yuda definí e lokalidatnan ku tin problema pa loke ta trata molèster di muzik, manera hòfi i otro lokalidatnan.