WILLEMSTAD.- Diana Rosalia ayera tardi bai kue anochi a sa di gana dos kategoria i sali promé finalista di un, pa dje forma ei bira loke mester ser konsiderá e ganadó apsoluto di e kompetensia di ‘Maramentu di Lensu 2018’.
Den un ambiente bon animá na Club Boneriano a tuma lugá e kompetensia anual di ‘Maramentu di Lensu’. E aña aki a kompetí di kuater kategoria di lensu. ‘Lensu Propio’, ‘Lensu MCB’, ‘Lensu Amstel’ i ‘Lensu ganadónan MCB’.
Na final dje kompetensia Edtlien Jops a risibí e ‘Premio Estímulo’. Ganadó di nòmber skèrpi a bai pa Marla Borgschot ku e nòmber ‘Yobida na Abundansia’.

Lensu propio
Segundo finalista Magiola Barbara, promé finalista Marla Borgschot i ganadó a resultá: Diana Rosalia ku e lensu ‘Serená’.

Lensu MCB
Segundo finalista Marla Borgschot, promé finalista Diana Rosalia i ganadó: Magiola Barbara ku e lensu “Mo Ni Fe” (Mi stima abo).

Lensu Amstel
Segundo finalista Marla Borgschot, promé finalista Magiola Barbara i ganadó: Diana Rosalia ku e lensu ‘Bon kañá’.

Lensu ganadónan MCB
Segundo finalista Terrence Selassa, promé finalista Lisandro Sofia i ganadó: Admaida Selassa ku e lensu ‘Plaka bai, Plaka Bin’.