Krioyonan den MLB

Didi Gregorius (New York Yankees) a bai di 3-1 ku 4 kareda empuhá riba su di 5 honron di temporada kual tabata un ‘grandslam’. El a risibí 1 base por bola tambe

Xander Bogaerts (Boston Red Sox) a bai di 4-3 ku 2 kareda empuhá i 1 kareda anotá i 1 base por bola risibí. Esaki tabata otro wega di 3 hit pa e pelotero arubano di kual el a konektá tambe su di 21 honron di temporada. E shortstop di Boston awor tin por lo ménos 1 hit, 1 rbi i 1 kareda anotá den 8 wega sigui i esei ta pone den un kompania hopi elitario. “Xander Bogaerts has joined Ted Williams as the only Red Sox ever to record at least 1 hit, 1 RBI, and 1 run scored in 8 straight games. (Williams had an 8-game streak in 1942 and an 11-game streak in 1950.)” E rèkert di Liga Grandi ta 17 wega

Kenley Jansen (Los Angeles Dodgers) no tabata su mihó dia ayera i no a logra salba e wega (BS 4) pa su ekipo pero ademas a resultá e picher pèrdèdó (3-3) na momentu ku el a tira 1 tèrsio di ining permití 3 kareda riba 4 hit. Tur esaki riba 14 lansamentu durante e 5 bateadónan ku el a enfrentá. Despues di wega Jansen a asumí su responsabilidat i a indiká ku por buk e pèrdida di ayera riba su kuenta. E no a hasi su trabou. El a risibí un roletaso duru na su ènkel pero a opta pa sigui picha i esaki porta no tabata e mihó desishon, segun e picher yu di Kòrsou

Jonathan Schoop (Minnesota Twins) a bai di 2-1 ku su di 15 honron di temporada. Despues mester a bandonan wega den di 9 ining ora el a swing riba un lansamentu i sinta algu den su repchi nan

Ozhaino Albies (Atlanta Braves) a bai di 4-0 ayera

Andrelton Simmons (Los Angeles Angels) a bai di 4-1 ku 1 kareda anotá

Jurickson Profar (Oakland A’s) no a mira akshon ayera

 Na Hapon

Coco Balentien (Yakult Swallows) a bai di 4-1 ayera ku 1 kareda empuhá

 Lupa riba Liga Menor

Kevin Jospehina i Shean Michel (Florida Fire Frogs, afiliashon Klase A di Atlanta Braves) Josephina a bai di 4-1 ayera. Michel a drenta komo koredor emergente den di 8 ining i roba su di 8 base di temporada i despues anotá 1 kareda. E no tabatin turno ofisial na bate

Juremi Profar, 1b (Nashville Sounds, afiliashon Tripel A di Texas Rangers) a bai di 4-1 ayera ku 1 kareda empuhá i otro anotá. El a konektá su promé doblete den divishon Tripel A

Ademar Rifaela, OF (Norfolk Tides, afiliashon Tripel A di Baltimore Orioles) a bai di 4-0 ayera

Hendrik Clementina, C (Daytona Tortugas, afiliashon Klase A Avansa di Cincinnati Reds) a bai di 4-2 ayera ku 1 kareda anotá

Sherten Apostel, 3b (Hickory Crawdads, afiliashon Klase A di Texas Rangers) no a mira akshon ayera

Calten Daal, 2b (Chattanooga Lookouts, afiliashon Dòbel A di Cincinnati Reds) a bai di 1-0 ayera

Shervyen Newton (Columbia Fireflies afiliashon Klase A di New York Mets) a bai di 4-2 ayera ku 3 kareda empuhá i 1 kareda anotá. El a konektá su di 5 honron di temporada

Kirvin Moesquit, OF (Frederick Keys, afiliashon Klase A Avansa di Baltimore Orioles) no tabatin wega ayera

Stephan Vidal, C (Idaho Falls Chukars, afiliashon Rookie di Kansas City Royals) no a mira akshon ayera

Edmond Americaan, OF (Eugene Emerlands, afiliashon Klase A di Chicago Cubs) no a mira akshon ayera

Jonathan Willems, 2b (Billings Mustangs, afiliashon Rookie di Cincinnati Reds) a bai di 4-1 ayera ku 1 kareda anotá

Dashenko Ricardo (Durham Bulls, afiliashon Tripel A di Tampa Bay Devil Rays) no a mira akshon ayera

Junior Martina, Inf (GCL Nationals, afiliashon Rookie di Washington Nationals) a bai di 5-1 ayera ku 1 kareda anotá

Gianfranco Wawoe, 2b (Southern Illinois Miners, Liga Independiente) a bai di 4-0 ayera

Shairon Martis, Curt Smith i Randolph Oduber (Lincoln Saltdogs, Liga Independiente) Smith a bai di 3-0 ayera. Oduber a bai di 3-1 i Martis no a mira akshon

 Play of the Day