WILLEMSTAD.- Pasku mainta, mèrdia i anochi tur ta keda selebrá na Renaissance Curaçao Resort. Hopi ta esnan ku ta pendiente pa e kalènder kulinario di Renaissance Curaçao Resort pa e fin di aña aki. Henter luna di desèmber pueblo di Kòrsou por konta ku platonan navideño sukulento, dekorashonnan bunita i un eksperensia sin igual.
Selebrá Noche Buena, Pasku i Boxing Day
Nautilus Restaurant su Noche Buena riba dia 24 di desèmber a resultá den un anochi espektakular i e aña aki e tei atrobe! Renaissance Curaçao Resort ta invitá bo selebrá Noche Buena na Nautilus Restaurant ku un bufèt ku diferente delisia navideño. Pa e anochi spesial aki tin entretenimentu bibu di Benjamin Emanuel.
Dia 25 di desèmber, Nautilus lo tin su tradishonal brunch ku entretenimentu di Aisha Lucas. Konsiderando ku Renaissance Curaçao Resort ta é faborito di tur famia, lo tin un Christmas Brunch Buffet den Atrium tambe, ku entretenimentu di Mafalda Minguel.
Riba e di dos dia di Pasku, 26 di desèmber tin e popular ‘Boxing Day Brunch Buffet’ ku entretenimentu di Gilmar Fraites i parti anochi e ‘Dinner Buffet’ ku entretenimentu di Naomi’s Quartet. Tur preis ta inkluí 24% di kargo di servisio i impuesto, un ‘welcome drink’ i limonada i djus ilimitá.

Aña Nobo: Santé!
Renaissance Curaçao Resort a prepará un skema di evento ku sigur lo permití bo disfrutá di un kambio di aña tur afó. Dia 31 di desèmber lo tin e New Year’s Eve Dinner Buffet ku entretenimentu di Aisha Lucas na Nautilus, i mas lat pa 11:30PM un  Late Beach Party ku entretenimentu di Axel & Friends na Infinity Beach Club. Selebrá e kambio pa 2019 ku e New Year’s Eve Dinner ku entretenimentu di Juni Juliet den Atrium.
Dia 1e di yanüari 2019,  Nautilus lo tin su popular New Year’s Brunch Buffet ku entretenimentu di Juni Juliet i mas anochi e New Years Dinner Buffet. Tur preis ta inkluí 24% di kargo di servisio i impuesto. ‘Welcome drink’, limonada i djus ilimitá, serbes i un variashon di biña lo ta otorgá durante di kada sena respektivamente. Tin kondishonnan aplikabel.
Nautilus, Atrium i Infinity Beach Club lo ta den ambiente festivo e aña aki pa akomodá tur bishitante. Ta importante pa hasi reservashon pa kada brunch òf sena yamando 435-5134 òf e-mail nautilus@curacaorenaissance.com .  No lubidá; tin WiFi i parkeo grátis pa tur kliente! Pa detaye di preis por bishitá e página di facebook di Renaissance Curaçao Resort.