WILLEMSTAD.- Ayera tardi na e ofisina prinsipal di Digicel a tuma lugá un enkuentro ku e partisipantenan pa Reina, Prens i Pancho Adulto. E enkuentro tabata e oportunidat pa e representantenan di Digicel sera konosí ku e partisipantenan.
Manera ta konosí Reina, Prens i Pancho Adulto na momentu ku nan keda eligí ta bira embahadornan di Digicel.
Ayera tardi e partisipantenan a haña e chèns pa nan por a demostrá nan talento den sea kanto, deklamashon òf komedia. Ku e tema ‘Shake to Win’ kada un dje partisipantenan pa Reina i despues e duonan pa Prens i Pancho a demostrá nan talento. Un hurado di tres persona a husga e presentashon di e partisipantenan i na final a skohe Kimberly Martis komo e ganadó di e reinanan i e duo di Sergie Beltran i Jordon Anthony komo esnan ku a gana.
Riba potrètnan nos por apresiá  algun momentu durante dje atardi ameno na Digicel.