WILLEMSTAD.-  Miéntras e dianan ta pasa, e keintura di karnaval ta keda subi i den su punto máksimo e lo bira kòrá kòrá!  Un di e paréntesisnan e temporada aki ta e suma di 10,000 florin ku un grupo òf un ‘karnavalista individual’ lo tin chèns di gana. Di akuerdo ku Jorge Cuartas, Marketing Manager di Digicel, e aña aki Digicel ke premia e karnavalista. “E premio aki ta di parti Digicel pa pueblo karnavalista; pues totalmente independiente. Nos ke premia e gruponan i e míles di personanan ku ta partisipá anualmente den nos Gran Marcha. Nos ta konsiente ku partisipashon den Gran Marcha ta un invershon ku ta mará na un pashon personal, pero ku pueblo di Kòrsou den su totalidat ta disfrutá di dje. E aña aki, Digicel ke premia esei.”

GANA 10,000 florin ku Digicel su ‘Keintura Kòrá’!
Digicel su kampaña pa e temporada aki ‘Keintura Kòrá’ ya kaba ta hañando un akohida grandi i miéntras e dianan ta avansá, e lo yega su punto máksimo. E ‘Keintura Kòrá’ di Digicel lo trese alegria, kreatividat i hopi ambiente!  Ademas di e patrosinio na Fundashon JAG den kual ta adoptá Reina, Prens i Pancho 2019. Lo tin un premio di 10.000 florin pa e grupo òf individual mas kòrá den Gran Marcha. Pa saka e ganadó di e 10,000 florin Digicel a selektá un grupo di hurado konsistiendo di un kosedó, tambe un persona ku amplio konosementu den arte visual, un aktor, i un representante di turismo.  Kada un di nan ta profeshonal, independiente i vèrsá riba nan tereno i ku amplio konosementu di e materia.

Smail p’e kámara di Digicel!
Ta enkurashá tur partisipante pa ora ku nan pasa dilanti di e stènt di Digicel na JPF unda e hurado ta sintá, sigurá bo mes ku bo ta desfilá dilanti di hurado. Pèrkurá pa e fotógrafo di Digicel saka un pòrtrèt di bo grupo òf bo persona si bo ta partisipá individual. Despues di e marchanan hurado lo mira tur e pòrtrètnan un biaha mas komo referensia i adaptá nan puntuashon si akaso nan no a logra wak un detaye.  Lo husga e trahenan durante Gran Marcha i Marcha di Despedida. Por usa tur tono di koló kòrá, sinembargo ta rekomendá e kòrá bibu di Digicel.
Tuma nota ku karosa òf trailer no por partisipá den e kompetensia aki. Por asentuá e koló kòrá na disfras, kabei, kos ku ta karga den man (hand piece), sapatu, asesorionan, kurpa (man, pia, barika, lomba, etc.). Den e kaso aki esnan ku ke hasi ‘body paint’ tambe ta partisipá den e kompetensia. Digicel ta enfatisá ku NO mester kambia e disfras original di e grupo pa partisipá den e kompetensia. Lo mester djis añadí elementonan kòrá i sòru ku nan ta lusi. Maksimalisá bo efektonan kòrá. Pa mas regla i kondishonnan di e kompetensia ‘Keintura Kòrá’ por bishitá www.digicelcuracao.com

E temporada aki ta ‘kayente’. Kòrda download bo My Digicel App (MDA), lo bo por kumpra karchinan di entrada pa elekshon di Reina, Prins i Pancho di karnaval i pa diferente jump in na preis redusí. My Digicel App ta grátis i mas importante, e no ta konsumí bo data! Durante henter e temporada aki lo tin diferente oferta riba telefòn ku lo ta na preis ‘kayente’. Digicel ta komprometé na ofresé un streaming rápido, manda òf risibí potrèt i mensahe ku spit LTE  i habri kualke página riba internèt ku un smartphone, tablèt òf kualke aparato elektróniko ku tin internèt sin tardansa.  Konektá via e página di Facebook di Digicel www.facebook.com/DigicelCuracao  p’abo tambe sinti e keintura kòrá!