WILLEMSTAD.- Digicel ta amplia su invershon den karnaval di Kòrsou ku patrosinio di ONE den marchanan di karnaval. Manera tur hende sa, Dibo D kantante prinsipal di ONE, pa algun aña kaba ta embahador di Digicel i a bin ta kompañá nan durante diferente kampaña i promoshon.
“Nos ta kontentu di por patrosiná ONE den marchanan di karnaval, di e forma aki Digicel ta amplia su invershon sosteniendo no únikamente gruponan i e fundashon enkargá ku maneho di karnaval, sino tambe un agrupashon musikal”, esaki di akuerdo ku Jorge Cuartas, Marketing Manager pa Digicel Kòrsou.

Gana e premio ‘Keintura Kòrá’ di 10,000 florin!
E Keintura Kòrá di Digicel ta kontagiando Kòrsou!  Tin premio pa kliente, públiko kant’i kaya i esnan ku ta den marcha! Resientemente Digicel a anunsiá e premio di 10,000 florin pa e grupo di karnaval òf individual mas kòrá den Gran Marcha.
Un grupo di hurado konsistiendo di un kosedó, un persona ku amplio konosementu den arte visual, un aktor, i un representante di turismo lo saka e ganadó di e 10,000 florin.  Digicel ta bolbe enfatisá ku NO mester kambia e disfras original di e grupo pa partisipá den e kompetensia. Lo mester djis añadí elementonan kòrá i sòru ku nan ta lusi. Pa mas regla i kondishonnan di e kompetensia ‘Keintura Kòrá’ por bishitá www.digicelcuracao.com

Aparte di esei, pa di 2 aña konsekutivo Kòrsou su embahadornan di karnaval, lo representá Digicel den tur evento. Reina, Prens i Pancho 2019, lo risibí un telefòn mas un LTE Bundle pa 1 aña, ademas nan lo bira embahador di Digicel pa henter aña i lo representá e kompania i su produktonan den diferente kampaña durante di 2019. Konektá via di e página di Facebook di Digicel www.facebook.com/DigicelCuracao  i sinti e keintura kòrá!