WILLEMSTAD.- Clepo i Lucio a produsí loke sigur tei bira un hit mas riba e lista di produkshonnan di Dolce Band. E komposishon ‘Dikon ba hasié’ ta keda interpretá pa Clarck ‘Yuyu’ Zalm i su kontenido ta papia pa su mes. E kabayero ku ta duna bu kariño, duna bu amor, ma duna bu un chèns pero tòg ba bolbe hasié, kòrtadó di orea bo ta. “ Mi kurason a keda mal lástima, at’ami ta yora awó, awa na wowo so!. Bisa mi ta dje malu ei ma trata bu, ba lástima mi kurason. Ba bisa mi ku bo stima mi ku bo no ta laga mi, al final ba skohe pe!”. E areglo tras dje kansion aki ta kontené tur ingrediente manera e lema di Dolce ta bisa: ‘Esta dushi ta baila Dolce’. For di ayera e kansion a kuminsá zona na radionan lokal. Sostené nos artistanan lokal.