COPENHAGUE, DINAMARKA, AFP.- Dinamarka lo bolbe introdusí e pas di salubridat dor ku kasonan di COVID ta subiendo atrobe, segun indikashon di Promé Minister Mette Frederiksen, dos luna despues ku a kita tur medida i kòntròl den e pais.

E Komishon di Epidemia a rekomendá gobièrnu pa introdusí e pas di salubridat bèk”, segun indikashon di Frederiksen na periodistanan. El a agregá ku gobièrnu lo sigui e rekomendashon aki.

Frederiksen a rekonosé ku e pas di salubridat lo hasi bida mas difísil pa esnan no vakuná, pero a agregá ku “ta asina kos mester kana”.

Dinamarka tin un poblashon di 5,8 mion habitante. Alrededor di 86% di hendenan riba 12 aña di edat ta kompletamente vakuná.

E pas ta nesesario pa tur bar, restorant i diskotèknan, ademas e ta obligatorio pa tur hende riba 15 aña.

Dinamarka tabata un pionero di e pas di salubridat. Pero a eliminá esaki riba 10 di sèptèmber dor ku e kantidat di kasonan a baha.