WILLEMSTAD.- Durante tres siman di su estadia na Tokyo, Japan “Miss Curaçao International 2018” Diona Angela, a kosechá hopi éksito komo Kòrsou su flamante representante den e sertámen di beyesa “Miss International 2018”.
Djabièrnè, 9 di novèmber último, ku un show por lo general masha interesante e sertámen final di Miss International 2018 a tuma lugá den Dome City Hall na Tokyo, Japan,
Na final di e sertámen Kevin Liliana “Miss International 2017” prosedente di Indonesia a koroná su susesor Marien Velazco prosedente di Venezuela komo “Miss International 2018”. Promé finalista a resultá Ahtisa Manalo, Philippinas kende a wòrdu koroná pa e promé finalista Miss International 2017, Kòrsou su flamante representante “Chantalle de Lou”.  Terser finalista a resultá Bianca Tirsin, Rumania. “Miss Perfect Body 2018” Diona Angela, Curaçao; “Miss Best Dresses 2018” Nebai Torres, México i “Miss National Costume 2018” Michelle Huet, Ecuador.