NEW YORK, MERKA.- Phillip Youmans tabatin apénas 17 aña i e tabata kabando skol sekundario na momentu ku el a kaba di skibi ‘Burning Cane’, awor e pelíkula a keda galardona ku e premio máksimo di e festival di sine di Tribeca.
‘Burning Cane’ a risibí tres galardon na Tribeca djaweps último, inkluyendo e mihó pelíkula nará merikano. E pelíkula a gana tambe premio pa mihó sinematografia i mihó aktor, pa Wendell Pierce (The Wire), pa su papel komo e predikado di Louisiana ku tabata lidia ku alkohòl pa e doló di e morto di su kasa.
Youmans, nase na New Orleans, aktualmente ta den su promé aña di estudio na e Universidat di New York. Komo parti di su premio lo e risibí 20 mil dòler.
E ta e produktor mas hóben ku a kompetí i gana na Tribeca, i ta tambe e promé afroamerikano den logra esaki.
Ubiká den un zona rural di e parti sur di Louisiana, ‘Burning Cane’ ta inspirá su mes riba e kriansa di Youmans den iglesia baptista.
Youmans a logra rekoudá fondo pa su pelíkula via di ‘crowdsourcing’ i despues a logra di haña Benh Zeitlin, direktor di ‘Beasts of the Southern Wild’, komo su produktor ehekutivo.
‘Nos a gusta e vishon dje sineasta aki i nos ta lo keda enkantá ku e futuro briante di e sineasta aki’, asina e hurado a indiká.