WILLEMSTAD.- Djasabra mèrdia un grupo selektá di klientenan i invitadonan a disfrutá di e final di UEFA Champions League na Sta. Barbara Resort, esaki riba invitashon di Distribier, importadó di serbes Heineken.
Invitadonan a keda invitá pa bai Tutu Tango i ta einan nan a keda sorprende ku un trep den busnan di luho ku a hiba nan Sta. Barbara Resort kaminda den e ballroom a instalá un pantaya grandi i krea un ambiente úniko di un stadion kaminda e invitadonan por a disfrutá di serbes Heineken bon friu, saka pòtrèt, kome i gosa di e partido final di UEFA Champions League, Real Madrid v/s Juventus.
Un pabien na e personal di Distribier pa un biaha mas organisá un tremendo evento. Riba foto bo por apresiá algun parti dje ambiente ku tabatin djasabra último.