WILLEMSTAD.- Distribier e distribuidor ofishal di e markanan den e kartera Heineken, lo distribuí entrante e siman aki Heineken 0.0% na Kòrsou.
Heineken 0.0% lo ta optenibel den supermerkado, mini merkado, hotèl, restorant, café’s, kantina di kompanianan i snèknan. Heineken 0.0% ta wòrdu prosesá usando un resèpt úniko di produktonan natural, pa yega un smak distinguí i balansá i tin solamente 21 kaloria pa kada 100ml.
Na 2017 a lansa Heineken 0.0% na 14 pais i esaki a krese miéntras tantu na mas ku 57 pais rònt mundu. E emblema ikóniko bèrdè di Heineken lo kambia pa blou pa e Heineken 0.0%, e koló ku miéntras tantu ta wòrdu kategorisá pa serbes sin alkohòl.
“Heineken’s Master Brewers” a krea e serbes nobo sin alkohòl pa i di amantenan di serbes. Willem van Waesberghe, Global Craft en Brouwmeester na Heineken ta opiná: Pa saka e 5% regular di alkohòl for di Heineken lo tabata fásil, pero e lo no a dun’e un smak di un serbes sin alkohòl. Heineken 0.0% ta wòrdu prosesá riba su mes i tin e mesun karakterístiko di sabor di fruta – pero ku mout mas suave, sin alkohòl.
Sigurd de Wind, manager komersial di Distribier a deklará ku: “ Distribier i Heineken ta aspirá na yega na e kartera renobá, drentando riba e kambionan konstante serka e konsumidó. E segmento di sero alkohòl a krese enormemente e último añanan riba un plan mundial. Nos ta spera e kresementu lo sigui i ku e propósito aki lo bira relevante na Kòrsou tambe. Heineken 0.0% ta keda introdusí na Kòrsou ku e apodo, “Now You Can”. Ku ta manifestá su mes na diferente okashon serka e konsumidó ku ta buska un dushi serbes den un ambiente sosial pero e ora ei unu sin alkohòl. Heineken 0.0% ta duna e konsumidó e eskoho na diferente momento, manera: durante na kuminda di mèrdia, durante i despues di hasi deporte, na trabou òf den reunion. Alabes Heineken ta kontribuí na e tendensia di ta mas responsabel den e uso di alkohòl i hiba un bida balansá i saludabel”. Heineken 0.0% alkohòl, “Now You Can”.