WILLEMSTAD.- Djabièrnè 17 di novèmber 2017 Fundashon Orkesta Sinfóniko Hubenil Kòrsou, F.O.S.H.K., ta tene e promé edishon di Lokura di Wals ku e maestronan riba piano Norman Moron, Enrico Henriquez i Lin Marvin Martina.
Brakkeput Mei Mei lo ta yená ku e tononan alegre di wals for di 8:30 p.m.
F.O.S.H.K. ta duna e anochi aki tambe rekonosimentu na señor Wim Statius Muller, un di nos gran pianista- i kompositornan di Kòrsou.
E evento ta pa rekoudá fondo pa F.O.S.H.K. por sigui duna lès di instrumènt di arko (strijkinstrument) na muchanan di 6 pa 16 aña.
Entrada pa e anochi sublime aki ta 50 florin pa persona i karchinan ta optenibel na Boekhandel Bruna, Mensing's Caminada i 24-Uur uit de Muur.
F.O.S.H.K. ta wardá bo pa bin gosa dia 17 di novèmber 2017pa 8:30 p.m. na Brakkeput Mei Mei!